Zer dela eta sexualitatea eta gazteak kanpaina berean sartu?

Eta zergatik ez, bada? Gazteek sexualitatea bizitzen dutela noizbait ere ezagutuko dugu ala gai hori bazter utziko nahi gabe haurdun gelditzen direnen eta sexu-bidezko eritasunen bat biltzen dutenen kopurua kezkagarri izan arte? Sexuari loturik dagoenaz ez da karrikan argi mintzatzen, ezta etxean eta eskolan ere; horrelako gaiak saihesten dira, areago, halakorik dela ere ukatzen da eta ez da ezagutzen gazteen sentimenduak, sexu-ahalmenak, desioak eta sexu-jokabideak arrunt desberdin direla bata bertzetik. Bertze alde batetik, gazteek beren sexualitatea bizi duten giroa komunikabideek hedaturiko mezu kontraerrankor, sobera estimulatzaile, estereotipatu eta deformatuez bete-betea egoten da. Gizon-emakumeen sexualitateak zenbait alde desberdin ditu: plazerra, komunikazioa, afektibitatea etab. Haiek bizi eta bateratzea ezinbertzekoa da pertsonek beren bizian garapen orekatu eta osoa izateko. Hori dela eta, gazteen baitako sexualitatea agerira atera nahi dugu, eta errespetu handiz haren alde onak eta aniztasuna erakutsi, guzioi aberasgarri izanen zaigulakoan baikaude. Sexualitateari loturiko beldur eta tabuei buru egiteko tenorea dugu, zeren eta haiek bizipen txarrak eta arriskutsuak indartu bertzerik ez baitute egiten. Aurreiritziak aparte utzirik, gai honetaz jakin-minez, askatasunez, eta beldurrik eta lotsarik gabe mintzatzeko tenorea dugu.

Gaur egungo gazteak eta sexualitatea

Gaur egungo gazteek gero eta goizago hasten omen dituzte harreman sexual koitalak.

Hori da orain gutxi komunikabide askotan agertu den albistea. Lehenengo sarketa praktikatzeko adin media 15 urtetan omen dago gutxi gorabehera. 

Gaur egun, sexuari buruzko hizketaldiak asko dira gazteei zuzendutakoak. Ikastetxez ikastetxe, taldez talde, sexualitatearen inguruko gai ezberdinak jorratzen aritzen dira espezializatu asko gazteekin. Dinamika ezberdinak eramaten dira aurrera, eta horien artean beraien kezka, duda eta galderei erantzuna emateko ere egiten zaio tartea. Egia da gaur egun sexualitatearekin eta harreman sexualekin erlazionatutako gai ezberdinez jakiteko eta hitz egiteko tarte gehiago dutela. Egia da gero eta eskuragarriago dituztela era guztietako informazio, komentario eta irudiak. Egia da agian, gaur egun errazago hitz egiten dutela gai horretaz, gero eta informazio gehiago dutelako. Baina egia da baita ere, duten informazio hori, askotan ez dela iturri oso fidagarrietatik iristen. Neska askok, beraiei zuzenduta dauden aldizkarietatik jasotzen dituzte “truku” eta informazio ezberdinak. Mutil askok berriz, pornografia kontsumitzaileak izatea aitortzen dute. Asko dakitela uste dute. Baina beraiekin hitz egitean segituan konturatzen zara barneratu dituzten informazio eta ideia horiek ez daudela beraien sexualitatearekin, beraien errealitatearekin kontaktuan.
Aldaketa askorik ez
Esan daiteke beraz, orain dela urte batzuetatik hona gauza batzuk, agian asko, aldatu egin direla gazteek sexualitatearen gaia bizitzeko eta ikusteko duten moduan. Baina, esan daiteke baita ere, gaur egungo gazteek sexualitatearen inguruan dituzten bizipenak, kezkak, beldurrak, fantasiak, espektatibak, dudak, ilusioak…, orain dela urte batzuetako gazteenekin alderatuz, ez direla hainbeste aldatzen. Gazte nerabea, hormonak dantzan dituen gaztea da, bai gaur eta baita atzo ere. Nerabezaroan, desio erotikoa agertzen da, eta horri lekua bilatzen pasatzen du gazteak denboraldi hori. Dena da nobedadea, dena ilusioa eta espektatiba, misterioa eta desioa. 
Ondorio ezberdinak
Bizitzako etapa ezberdinetan, pertsonaren sexualitatea aldatzen joaten da. Hala ere, nerabezaro momentu hori izango da seguruenik momenturik intentsoena. Baina, gaur egungo gazteak sexu harremanak izaten lehengoak baino lehenago hasten diren kontua ez da guztiz erreala. Gaur egun, lehen bezala, badaude sexu harremanetan pauso ezberdinak ematen dituzten hainbat gazte eta beraien harreman sexual eta erotikoetan sarketa aukeratzen dutenak. Baina hori ez da gazte gehienen kasuan gertatzen, ezta gutxiago ere. Estatistikak egiten dira, eta horietan datu ezberdinak agertzen eta zabaltzen dira, baina ikerketa horietatik ateratzen dituzten ondorioak ez dira adituak gazteekin gelan gaiaz hitz egiterakoan ateratzen dituztenen berdinak. 

Aisialdia eta kultura

Gaur egun, gero eta gazte gehiagok antolatzen dute beraien denbora librea ekintza desberdinak tartekatuz. Baina oraindik asko eta asko gelditzen dira aisialdi tartean zer egin ez dakitela. Horren arrazoia ez da gazteentzako ekintzarik edo beraiei zuzendutako arlorik ez dagoelako, baizik eta motibaziorik ez dutelako.

Hori dela eta ondorengo taulan gazteen aisialdiari zuzendutako hainbatgai zehaztuko dira:

Bidaiak	Kirola	Aisialdirako hezkuntza
Aterpetxeak	Gaueko aisialdia	Jaiak
Auzolandegiak	Musika,kantak,dantzak	Teknologia berriak
Jolasak	Lankidetza	Antzerkia

25 eta 29 urte bitarteko euskal gazteen %33,6 bakarrik dago emantzipatuta

Euskadiko gazteek gero eta beranduago uzten dute gurasoen etxea. Gaur egun, 25 eta 29 urte bitarteko gazteen %33,6 dago emantzipatua. Gazteen Euskal Behatokiak aginduta egin den "Euskal gazteen emantzipazioa eta prekarietatea" ikerketan agertzen den datu hau ez da batere ona, gure inguruko beste erkidego batzuetakoa baino hamar puntu baxuagoa delako hemengo portzentaia. Beste datu kezkagarri bat: behin emantzipatu ondoren, gazte askok gurasoen etxera itzuli beharra izaten dute, diru arazoak dituztelako.

Krisi ekonomikoaz gauza asko entzun ditugu, eta gazteak dira krisia gehien sufritzen dutenetako batzuk. Emantzipatuta dauden gazteen artean, hamarretik zazpi, bikotekidearekin bizi dira. Izan ere, gazteen langabeziak azken urteetan behera egin duen arren, oraindik ere handia da prekarietatea eta soldata bakar batek ez du ematen gurasoen etxetik alde egiteko beste. Horregatik, irtenbidea, gastuak partekatzea da.

Batek baino gehiago pentsa dezake egoera honi aurre egiteko soluzioa alokairua dela. Hala ere, Etxebiden etxebizitza eskatzen dutenen artean, %4,8k baino ez dute alokairua aukeratzen. %75,3k nahiago dute etxebizitza jabetzan izan, eta %19,3ri berdin zaio etxea jabetzan edo alokairuan jaso.

"Euskal gazteen emantzipazioa eta prekarietatea" ikerketaren helburua Euskadiko gazteen emantzipazio prozesua ezagutzea izan da. Horretarako, metodologia kuantitatiboa eta kualitatiboa uztartu dira, emantzipazio prozesu hori zertan datzan aztertzeko, gazteek emantzipazioa lortzeko bidean dituzten zailtasun eta oztopoak zeintzuk diren ezagutzeko eta oztopo horiek saihesteko darabiltzaten estrategiak zeintzuk diren jakiteko.

Gazteen autonomia bultzatzea

    Europar Batasunean batez besteko gazteen emantzipazio-adina 25 urtetan kokatzen da. Euskal Herrian, aldiz, adin hori nabarmen igotzen da, 30 urtetan dagoelarik. Ezbairik gabe datu adierazgarria bezain kezkagarria dugu hau, horren atzean gazte askoren berezko egitasmoak garatzeko zailtasuna edo ezintasuna adierazten duen neurrian.

    Esparru eta gune ezberdinetan beren nahiak eta helburuak esateko aukera duten bakoitzean, gazte antolatuen ahotsek denon artean eraikitzen ari garen gizartean euren lekua aldarrikatzen dute behin eta berriz. Eta horretarako planteatzen dituzten arrazoiak ez dira makalak. Alde batetik, gazteek etorkizuna bai, baina batez ere, oraina plural eta aberasgarria dela diote, gizartearen garapenerako eragileak. Horrela, beren lekua aldarrikatzen dute, euren ikuspegi eta egiteko erak sustatzeko eta eragiteko. Gainera, indarrean dagoen gizarte-ereduarekin nahiko kritiko agertzen direnez, aukera eskatzen dute ezberdina izango den gizarte- eta pertsona-ereduak eraikitzeko, egunerokotasunetik abiatuta. Horretarako beren erantzukizuna eta ardura adierazten dute, eta azkenean abisua ere luzatzen dute: belaunaldi berri oso baten energiak eta eraikitzeko grinak ezerezean gelditzeak gizarte osoaren kalterako suposatuko lukeen prezioa gehigizkoa dela, jasangaitza.

    Beraz, gizartean gazteak protagonistak izatea eta euren ikuspegitik eragile eraginkor bihurtzea da gazte-mugimenduak egiten duen eta gizarte osoak jaso eta erantzun behar duen eskaera eta erronka. Eta horretan botere publikoek erabateko erantzukizuna dute, eskaera hori bideratzeko ahaleginean. Ziur asko hemen dago gazteen gainean administrazioen eta horien atzean dauden alderdi politikoen hurrengo urteetarako eginkizunik garrantzitsuena: gazteen nahiak, konpromisoak eta egiteko erak ezagutzea, elkarrekin lantzea eta abiatzea.

    Horrek, dudarik gabe, borondate politiko irmoa eta zabala eskatzen du, agenda politikoan lehentasunen artean gazteen gaia kokatzeko beharra. Neurri batean, azken urteetan aurrerapauso batzuk eman dira gazteen aspaldikoa den aldarrikapen honetan, eta egun gazte-politikak aurrera ateratzeko tresna batzuk egon badaude, gazte-planak, kasu. Hala ere, hau ez da nahikoa eta hastapenetan gauden honetan, benetako gazte-politikak sortzeko eta horiek martxan jartzeko tresneria egokia lortzeko, gazteekin batera lantzeko prozesua abian jartzea beharbeharrezkoa dugu. Honi buruz ariko gara hurrengo atalean.

    Alde honetan bukatzeko, oso argi geratu behar den puntua adierazi nahi dugu: ez da posible gazteak gizartea eraikitzeko benetako eragileak izatea, baldin eta pairatzen dituzten bizi-baldintza kaskarretan hobekuntza nabariak gertatzen ez badira. Hau da, langabezian, ezegonkortasunean edo etxebizitzan, gai erabakigarrietan, taxuzko neurriak jasotzen ez badira, administrazioek gidatuta eta gizarteeragileek lagunduta, ez dago gazteek benetan parte hartzeko aukerarik. Gauzak horrela, bizi-baldintzetan konpromiso sendoak hartzea gutxieneko baldintza da, aurrerago aipatuko ditugun gazte-politika parte-hartzaileak sustatzeko.

Ikuspuntu politikoa: laguntzarik eza

    Patetikoa da egungo botere politikoak botere ekonomikoarekiko duen mendekotasuna. Demokraziaren beraren kontzeptua eta esanahia arriskuan jarriz, alderdi politikoek eta administrazioek garatzen dituzten mendekotasun-portaera horiek ohikoak ditugu jadanik. Ematen du neoliberalismoari zuzenean loturik dauden

axioma batzuk (lehiakortasuna edo “0 defizita”, kasu) politika egiteko ezinbesteko baldintzak direla, ezbairik gabe, eta noski, bakan batzuen onerako. Bide hau oso arriskutsua da, batez ere politika ekonomikoen eta gizarte-politikaren artean halako oreka (Ongizatezko Estatua) bilatu nahi izan duen Europarentzat.

    Berezko faktoreez aparte (burokrazia, barne-demokraziarik eza, klientelismoa, ustelkeria...), aipatu arrazoiak badu eragin handia egungo egoera ulertzeko: alderdi politiko eta politikatik oso urrun bizi dira biztanleak, haien arteko distantzia gero eta nabariagoa da. Gazteen artean joera orokor hori biderkatzen da eta egungo gazteak alderdi eta praktika politikoetatik oso urrun daude. Horiek ez dute jasotzen gazteen interesa ezta konfiantzarik ere.

    Gazteen premia eta beharretatik oso urrun kokatzen dituzte euren interesak alderdi politikoek eta egungo gazteek lehentasunak barneratuta dituztenez gero, urruntasunaz eta mespretxuaz aparte, gailentzen den sentzazioa sinesgarritasunik ezaren kontzeptuan jaso dezakegu; beharrezkoak diren kontuetarako ez dituzte laguntzen eta soilik komeni zaienean deitu eta bilatzen dituzte gazteak.

Gazteria aurrera!

Gazteriaren beste alderdi bat gizartearekin duen borroka da. Beti dago norbait gazteen aurka diharduena, hauen ametsak apurtzen eta mota guztietako debekuek jartzen. Baina zorionez, gero eta gehiago dira elkartzen diren gazteak eta beraien indar guztiekin borrokatzen dutenak.

Ondorengo bideon ikusi daiteke zer nolako indarra eduki dezaken gazte mugimenduak.

Euskal Gazteria Aurrera!
Cargado por Borroka.

Gizarte-ikuspuntua: ahulezia

    Ikuspuntu ekonomiko hori gailentzen den neurrian, pertsonen joera indibiduala nagusitzen da. Norberaren posizioa eta statusa irabazi beharra dago eta horretarako bakoitzaren ahalegin etengabea ezinbesteko bihurtzen da. Batez ere, aukeraz edo adinaz bere postu hori zeharo irabezteke dutenentzako, gazteentzako,

hain zuzen ere.

    Horren ondorioz etekin azkarra eta zuzena ez duten portaerak eta lehentasunak alboratzen dira, kolektiboa eta komunitarioa den ororen kalterako. Gauzak horrela, ideologiak edo jarrera militanteak baztertzen dira, arrazoi praktikoengatik: ez dago denborarik, ez dago emaitza zuzenik. Gizarte-sare orokorrak ahultzen dira, elkartasunezko mugimenduek katea eteten ari dela ikusten dute: gero eta jende gutxiago lan eskergaren aurrean aritzeko, gero eta jende berri, gazte, gutxiago, gure elkarte eta taldeetan.

    Gizarte-mugimenduek, oro har, eta gazte-mugimenduak zehazki, iretenbiderik gabeko egoera batean ikusten dute beren burua. Indibidualismo zuzenaren eraginez, gero eta jende gutxiago, gero eta partaide gutxiago. Administrazioen jarrera urruna eta mesfidatia dela eta, laguntza eta baliabide urriak. Eta batez ere, gailentzen ari den pentsakera-paradigma berrian, non musu-truk aritzea eta helburu kolektiboak lortzeko arrisku pertsonalak bereganatzea ulertezin bihurtzen den, eragingarriak izateko zailtasun itzela. Bai gauzak aldatzeko baita pentsaerak aldatzeko orduan ere. Ez da harritzekoa jendea erretzea eta etsitzea, isolamendua nabaria baita.

Ikuspuntu ekonomikoa: mehatxua

    Neoliberalismoa jaun eta jabe den honetan merkatuak agintzen du. Ñabardurak, kritikak eta erresintentzia-saioak egonda ere, egun merkatuak eta bere ezinbesteko bidaidea den kontsumoak joku-arau gehien eta oinarrizkoenak jartzen dituzte. Eta arau horien artean globalismo ekonomiko berriak jainko guztien pare jar dezakegun hitz-ikonoa erabiltzen du jarrera eta mugimendu guztiak zuritzeko, gure egunerokotasuna hain era zorrotzean baldintzatzeko: lehiakortasuna, konpetitibitatea.

    Horren ondorio latzak denok bizi baditugu ere, gazteek era ankerragoan nozitzen dituzte, bai zuzenak baita zeharkakoak ere. Inkesta guztietan gazteek seinalatzen dituzten arazorik larrienak baino ez ditugu kontuan hartu behar: langabezia (eta ezegonkortasuna) eta etxebizitza. Errealitatea oso krudela da bizitzan horren funtsezkoak diren bi arlo horiei dagokienez, eta gazteak hasi dira barneratzen, batez ere emakumezkoak, errealitateak berak behin eta berriz adierazten diena: etorkizuna ez da batere argia, borrokatu beharra dago, eta lehenengo aldiz aspalditik, egungo gazteek ez dute ziurtatuta etorkizunean euren gurasoek lorturiko bizi-maila.

     Etorkizuna mehatxua da, laburbilduz. Beraz, ezinbestekoa da dena ematea, formazio on-ona izatea, urriak diren aukera eta postuetarako lehia bizian aritzea, gehienetan bizitza osorako diren kredituak jasotzeko eta ordaintzeko aukera, behintzat, izateko. Beste alde batetik, ikuspegi honek elkartasunerako eta mobilizazioetarako zirrikitu gutxi uzten ditu eta parte-hartzea eta gazte-mugimendua bultzatzeko eta eraiketzeko aukera eremu isolatuan kokatzen du.

Ikuspuntu orokorra: ziurgabetasuna

     Aldaketa-garaian gaude. Ziur asko mende honen hasieraren ezaugarri sakonenetariko bat abiadura azkarra da. Gertaerak ziztu bizian jazotzen dira etengabe, bata bestearen atzean, eta zentzu guztietan, bai norberaren bizitzan, bai gure inguru hurbilean eta gure gizartean, baita mundu-mailan ere. Horrek deskolakatu egiten gaitu eta gauzak bizitzeko era eta ikuspegia aldarazten dizkigu. Gazteen munduan joera nagusi hau are eta nabarmenago gertatzen da.

     Garai berri hauetan jaio eta haziak, gazteengan askotariko eraginak eta aztarnak somatzen dira. Horiei arreta jarriko diegu orain, lau oinarrizko ardatzetatik abiaturik, baina lehenago gazteen egungo errealitate objektiboa baina batez ere subjektiboa (haiek horrela adierazten baitute) laburbil dezakeen kontzeptua aipatuko dugu: ziurgabetasuna.

     Izan ere, gazte gehienek euren bizipenetan oinarriturik gehien sentitzen duten elementua ziurgabetasuna da, etorkizunari konfiantzaz baino areago errezeloz begiratzeko eta somatzeko era, oraina ulertzeko eta gehienetan konpartitzen ez dituzten klabeetan bizitzeko beharra. Horregatik egunerokoa topera bizitzea (“presentismoa”) eta erlazio afektibo hurbilak (lagunartekoak, familia) hain garrantzitsuak izatea ulergarria da oso.

GAZTE MUGIMENDUAREN TOPAKETAK ZESTOAN

Azaroaren 27-28-29an gazte mugimenduaren aldeko topaketak burutuko dira Zestoan. 27an, ostirala, arratsaldeko 17.00tan hasiko dira topaketak eta 29an, igandean, iluntzeko 20.00tan bukatuko da dena. Asteburu guztian zehar gai desberdinei buruzko eztabaidetan parte hartzeko aukera egongo da. Gainera, giroa alaitzeko, ipuin kontalariak, antzerkiak, musika talde desberdinak, erakusketak...egongo dira.

Hona hemen egitarau osoa:

Ostirala

17:00 tik aurrera matrikulazioa

18:00 tik aurrera, sentitu, pentsatu eta egin!

18:00 Gune arriskutsuen markajea 

Sistema hor dago!

20:00 Harrera + Sarrera: ?Sistema kapitalista eta gazte mugimendua?

22:00 tik aurrera Antzerkiak +Ipuin kontalariak+ Musika emanaldiak

01:00 Karpa eta txoznen itxiera 

Larunbata

8:30 Gosaria 

9:30 Sarrera

10:00 Eztabaidak lantaldeetan: ?Sistema hor dago?

14:30 Bazkaria 

Hemen gaude!

16:00 *Gazte konpartsak, hartu eta erabili!. Mahaingurua

      *Kafe tertulia: ?Aisialdiako eredu berriak? 

      *Zuen porlanean itoko zarete! Tailerra 

      *Feminismoan topatu 

      *Internazionalismoa antzeztu 

      *Herriak ikasiz, herriak irauli 

      *Ikasle twisterra.

      *Alternatiben eskola 

18:00 etatik aurrera:

      *Kultur gerrillak 

      *Zuen porlanean itoko zarete! Tailerra 

      *Zu zeu fiestolog@! 

      *Gazteak eta krisia 

      *Feminismoan topatu 

      *Herriak ikasiz, herriak irauli *Sistema kapitalista monstruaren bila. Ginkana 

      *Teknologia berriak eta segurtasuna 

19:30 *Gazte migrazioak. Mahaingurua 

      *Gelditzeko esperientziak! 

      *Sistema kapitalista patriarkarra eta Bolognaren inguruko hitzaldia 

      *Gerrilla komunikatiboa tailerra 

21:30 *Poteolinpiada 

      *Lekittoko tinbaleruak 

23:00 Musika + DJ-ak 23:00 Musika karpan

02:00 Karpa eta txoznen itxiera 

Igandea

9:00 Gosaria 

10:00 Eztabaida lantaldeetan: ?Ekin dezagun batera, bota ordago sistemari!?

13:00 Ekitaldia 

14:30 Bazkari herrikoia 

16:00 tik aurrera, TRIKIFEST: Zestoako talde bat+Musikherria+Radio Afu 

20:00tan bakoitza bere etxera 

3 egunetan zehar:
Erakusketak + Irratia + Sorpresak

Gazte Topaketei buruzko bideotxo bat:

GAZTE TOPAKETAK Azaroak 27-28-29 Zestoan!!!

Gazteak eta drogak

Gazteen droga-kontsumoa gaur egungo guraso eta hezitzaileen kezka handienetako bat da. Europako gazteek, mundu aurreratuko gehienek bezalaxe, oso gazterik dute droga-eskaintza jasotzeko aukera. Drogak kontsumitzearen arriskuei buruzko informazio-kanpaina ugari egin den arren, drogak eta gazteak maiz erlazionatzen diren hitzak dira.

Nutritiboki asimilatu ordez, alterazio organiko eta/edo animiko sakonak sortzen dituen edozein substantzia kontsideratzen da droga. Berdin dio sendatu edo hil egiten duen. Pertsona batzuk botika jakin batzuen menpe daude zeharo eta, adiera hertsian, toxikomanoak direla esan genezake.

Droga-saltzaileek parranda-lekuetan, kontzertuetan, tabernetan edo kale erdian, institutuaren irteeran bilatzen dituzte biktimak. 19 urtetik aurrera jaitsi egiten da droga-eskaintza EBko herrialde gehienetan, drogak festa eta dibertsioarekin asoziatzen baitira, hau da, gazteen merkatuarekin. Helduak beste produktu batzuekin "engantxatzen" dira (kafea, tabakoa, alkohola, telebista, etab.) beren sozializazio eta "ihes egiteko" beharrak bestelakoak direlako.

Azken urteetan, "sintesi drogen" kontsumoa modan jarri da diskoteketan eta gazte-kontzertuetan, eta horrek jaitsi egin du drogak kontsumitzen hasteko adina. 14 urtetik beherako gazteen % 22ari eskaini diote droga eta 14 eta 18 urte bitarteko adinean portzentajea % 80ra igotzen da. 14 urtetik beherakoen proportzioa EBko batez bestekoaren parekoa da, baina inguruko herrialde mediterraneoen batez bestekoaren oso gainetik dago (Frantzia, Grezia eta Italia).

Noiz (gazteen adina) eta non (drogak eskaintzen diren lekuak) esateaz gain, 15 eta 24 urte bitarteko gazteek drogak kontsumitzeko planteatzen dituzten arrazoiak azaltzen dituzte estatistikek.

Drogak eta gazteak Euskal Herrian

   

    Euskal Herrian, besteak beste, drogek pisu handia dute gure gizartean. Gazteak gero eta lehenago hasten dira produktu hauek kontsumitzen, eta oso larria dela uste dut. Garai batean, helduagoak sentitzeko edo, gazteak zigarroak erretzen hasten ziren: horrela, helduagoak sentitzeaz gain, gazte horiek besteen gainetik sentitzen ziren. Baina gaur egun, arazo hori, desagertu beharrean, larriagotu egin da: porroak erretzen dira, zigarroak beharrean. 
    Medikuek diotenez, porro batek lau zigarrok adina kalte egiten du, eta gainera, birikak kaltetzeaz gain, burmuina ere erasotzen du. Hainbat inkesta egin dira, eta euskaldunen %20ak egunero porroak erretzeko ohitura omen du. Datu hau izugarria dela aitortu behar da. Gaur egun, sekulako arazoak daudela ikus daiteke. Gazteak 13 urterekin hasten dira porroak erretzen, eta hau gelditu beharra dago. 13 urterekin hasten badira porroak erretzen, pentsa dezagun izango dituzten burmuinak 20 urterekin. Gazte hauek asteburuetan porroak erretzen hasten dira, gero jolas orduan ere hasten dira, eta azkenean, eguneroko ohituratzat hartzen dute. Azkenean, porro hauen beharra sentitzen dute eguneroko bizitza aurrera eramateko. 
   Guzti honekin, gai honen garrantzia erakutsi dudalakoan nago. Ezin dugu hau horrela utzi, zerbait egin beharra dagoela uste dut; lehenbailehen, gainera. Bestela, pentsa dezagun, gaur egungo 13 urteko ume hauek nolako etorkizuna izango duten gure gizartean.

Gazteak eta drogak

Hona hemen drogei buruzko power point labur bat. Gure gizartean gazteak drogekin lotura zuzena dutenaren irudia zabaldurik dago.

Drogak

View more presentations from iraiaoteiza.

Hainbat arrazoi kontsumitzeko...

Drogen kontsumoaren zergatiak ez du azalpen bakarra, horretan eragina duten faktoreak asko dira-eta.

Gaztetxoen kasuan nortasunaren bilakaerari daude lotuta arrazoi horiek; hau da:
baten parekoa izatea, urlia bezalakoa ez izatea, ondo pasatzea eta abar.
Batzuetan kontsumoa problematikoagoa izan daiteke, substantzia barruko ezinegonei aurre egiteko botika moduan hartzen denean, esate baterako.


Informazio gehiago: Zirimola 15zbk aldizkarian.

Gazteak eta kontsumoa

Gaur egunean gazteek kontsumoari begira dituzten arazoak azaleratzeko bideoa.